Плата за праезд у грамадскім транспарце вырасце ў Брэсцкай, Віцебскай, Гомельскай і Мінскай абласцях. Адпаведныя рашэнні мясцовых аблвыканкамаў з’явіліся на Нацыянальным прававым інтэрнэт-партале 24 сакавіка і ўступаюць у сілу пасля афіцыйнага апублікавання.
Адна паездка ў грамадскім транспарце ў Мінскай вобласці падаражэла на 15 капеек, да 1,05 рубля. Максімальныя тарыфы для экспрэсных маршрутаў паднялі да 1,15 рубля. Такое рашэнне Мінаблвыканкам прыняў 16 сакавіка.
Тарыфы на прыгарадныя перавозкі ў рэгулярных зносінах на звычайных маршрутах складуць 14 капеек за адзін кіламетр, на хуткасных маршрутах і на дадатковых рэйсах — 16 капеек; на экспрэсных маршрутах — 17 капеек.
Вырас і кошт праязных білетаў. У гарадах з насельніцтвам да 50 тысяч чалавек месячны праязны будзе каштаваць 40,16 рубля, дэкадны — 14,08 рубля. У гарадах з насельніцтвам 50−250 тысяч чалавек — 46 рублёў (за месячны) і 16,18 рубля (за дэкадны).
У Віцебскай вобласці кошт праезду ў грамадскім транспарце паднялі да 1,05 рубля за адну паездку на звычайных і хуткасных маршрутах, і да 1,15 рубля — на экспрэсных.
На прыгарадныя перавозкі максімальныя тарыфы павысілі да 14 капеек за кіламетр у рэгулярных зносінах, да 16 капеек — на хуткасных маршрутах, а таксама дадатковых рэйсах і да 17 капеек на экспрэсных маршрутах.
У Гомельскай вобласці фіксаваны тарыф на гарадскія перавозкі пасажыраў аўтобусамі на звычайных і хуткасных маршрутах у рэгулярных зносінах, а таксама тралейбусамі вызначылі ў памеры 1,05 рубля за адну паездку.
Максімальны тарыф на экспрэсных маршрутах у рэгулярных зносінах падняўся да 1,15 рубля за адну паездку.
На прыгарадныя перавозкі максімальныя тарыфы павысілі да 14 капеек за кіламетр у рэгулярных зносінах, да 16 капеек — на хуткасных маршрутах, а таксама на дадатковых рэйсах і да 17 капеек — на экспрэсных маршрутах.
У Брэсцкай вобласці цэны на праезд у грамадскім транспарце паднялі да 1,05 рубля ў рэгулярных зносінах і да 1,15 рубля на экспрэсных маршрутах.
Максімальныя тарыфы павысілі да 14 капеек за кіламетр у рэгулярных зносінах, да 16 капеек — на хуткасных маршрутах, а таксама на дадатковых рэйсах і да 17 капеек — на экспрэсных маршрутах.
