ЗША здымаюць санкцыі з «Белінвестбанка», Банка развіцця і Міністэрства фінансаў. Пра гэта паведаміў Джон Коўл, піша тэлеграм-канал «Пул Первого».
Таксама з усіх санкцыйных спісаў выключаныя Беларуская калійная кампанія і «Беларуськалій», гаворыцца ў паведамленні.
Нагадаем, 19 сакавіка Аляксандр Лукашэнка сустрэўся ў Палацы незалежнасці са спецыяльным пасланнікам ЗША па Беларусі Джонам Коўлам. Падчас перамоваў ён заявіў, што Мінск гатовы прытрымлівацца дамоўленасцяў з ЗША што да палітвязняў.
Да гэтага Лукашэнка сустракаўся з Джонам Коўлам 12−13 снежня 2025 года. Тады ж пасланнік амерыканскага прэзідэнта паведаміў, што ЗША здымаюць санкцыі з беларускага калію.
Пасля перамоваў былі вызваленыя 123 палітвязні.